چیئرمین پی سی بی نے قذافی سٹیڈیم کو 25 جنوری تک مکمل کرنے کی ہدایت کر دی

06, جنوری , 2025

نیوز ٹوڈے : پاکستان کرکٹ بورڈ کے چیئرمین محسن نقوی نے قذافی اسٹیڈیم کا تعمیراتی کام 25 جنوری تک مکمل کرنے کی ہدایت کی ہے۔ چیئرمین پی سی بی محسن نقوی نے قذافی اسٹیڈیم کا تفصیلی دورہ کیا اور اسٹیڈیم کی تعمیر نو کی پیش رفت کا جائزہ لیا اور تعمیراتی کام کا تفصیلی معائنہ کیا، جب کہ انہوں نے مرکزی عمارت کی تمام منزلوں کا دورہ کیا۔ اس موقع پر محسن نقوی نے کہا کہ اسٹیڈیم کا افتتاح شاندار تقریب میں کیا جائے گا۔ قومی ٹیم کی کارکردگی پر چیئرمین کا کہنا تھا کہ ٹیم لڑتی ہے جیتتی رہتی ہے اور ہارتی رہتی ہے۔ چیئرمین پی سی بی نے کہا کہ صائم ایوب علاج کے لیے کل انگلینڈ جائیں گے، ان کا علاج خراب نہیں ہوگا۔