ایک اور پاکستانی اداکار جوڑے کی شادی کی تیاریاں شروع

نیوز ٹوڈے :   خبریں سامنے آ رہی ہیں کہ پاکستانی اداکار گوہر رشید اور اداکارہ کبریٰ خان کی شادی کی تیاریاں شروع ہو گئی ہیں۔سوشل میڈیا پر شوبز شخصیات سے متعلق خبریں شیئر کرنے والے ایک انسٹاگرام پیج نے دعویٰ کیا ہے کہ گوہر رشید اور اداکارہ کبریٰ خان کی شادی کی تیاریاں شروع کر دی گئی ہیں۔

دونوں اداکاروں کی شادی کا دعویٰ گوہر رشید کی جانب سے انسٹاگرام پر ایک ویڈیو پوسٹ کرنے کے بعد سامنے آیا۔ گوہر رشید نے انسٹاگرام پر ایک ویڈیو پوسٹ کرتے ہوئے 'بسم اللہ 2025' لکھا۔ ویڈیو میں شازیہ وجاہت، وجاہت رؤف اور ان کے دیگر اداکار دوست بھی موجود ہیں۔

پیج پر ذرائع کے حوالے سے دعویٰ کیا گیا ہے کہ کراچی میں اداکارہ کبریٰ خان اور مرزا گوہر رشید کی شادی کی تیاریاں جاری ہیں۔ دونوں اداکاروں کی شادی بڑی دھوم دھام سے ہوگی جس کے لیے اداکاروں نے گزشتہ رات ڈانس کی پریکٹس بھی کی۔

یاد رہے کہ کبریٰ خان اور گوہر رشید کے درمیان گہری دوستی اور قریبی تعلقات سے مداح بخوبی واقف ہیں۔

چند ماہ قبل گوہر رشید نے ایک انٹرویو میں اعتراف کیا تھا کہ وہ سنگل نہیں ہیں اور کہا تھا کہ اب میں ان کے بغیر اپنی زندگی کا تصور بھی نہیں کرسکتا۔ میں اس کے بارے میں اتنی بات کر سکتا ہوں کہ میں اس پر پورا شو کر سکتا ہوں۔

View this post on Instagram

A post shared by Gohar Rasheed (@mirzagoharrasheed)