پاکستان میں وی پی این کا بڑھتا ہوا استعمال انٹرنیٹ کو مزید سست کر رہا

نیوز ٹوڈے :   پی ٹی اے کی ایک حالیہ رپورٹ میں انکشاف کیا گیا ہے کہ انٹرنیٹ میں خلل کے دوران پاکستان میں وی پی این کے استعمال میں کئی گنا اضافہ ہوا ہے، جس نے انٹرنیٹ کو مزید سست کر دیا ہے۔وی پی این ٹریفک کی وجہ سے بینڈوڈتھ میں اضافے سے زرمبادلہ کے نقصان کا بھی انکشاف ہوا ہے۔

پی ٹی اے کی رپورٹ کے مطابق انٹرنیٹ کی سست روی سے نمٹنے کے لیے سب میرین کیبلز کی استعداد بڑھانے کی ضرورت ہے۔ VPNs کے استعمال پر ایک ڈالر فی میگا بائٹ لاگت آتی ہے، اور ایک TBPS کے اضافے سے ملک کو تقریباً $10,000 فی منٹ لاگت آتی ہے۔

VPNs کے ذریعے بینڈوتھ کا استعمال اگست میں 634 Gbps، ستمبر میں 597 Gbps، اکتوبر میں 815 Gbps، اور نومبر میں 378 Gbps تک پہنچ گیا۔رپورٹ کے مطابق دسمبر میں انٹرنیٹ کی بہتری کے بعد یہ استعمال 437 جی بی پی ایس پر رہا، وی پی این کا بڑھتا ہوا استعمال پاکستان کے انٹرنیٹ انفراسٹرکچر پر دباؤ ڈال رہا ہے۔

VPNs کا بڑھتا ہوا استعمال مقامی CDNs کو نظرانداز کر رہا ہے، پاکستان میں 70 فیصد انٹرنیٹ CDNs کے ذریعے فراہم کیا جاتا ہے۔

VPNs CDNs کو نظرانداز کرتے ہیں اور ٹریفک کو بین الاقوامی سرورز پر منتقل کرتے ہیں اور عالمی سب میرین کیبلز پر انحصار بڑھاتے ہیں، جن کی صلاحیت کم ہوتی ہے۔ انٹرنیٹ کی سست روی سے نمٹنے کے لیے سب میرین کیبلز کی صلاحیت کو بڑھانے کی ضرورت ہے۔

انٹرنیٹ کی رفتار کو بہتر بنانے کے لیے مقامی روٹنگ سسٹم کو بہتر کرنے کی اشد ضرورت ہے۔