پیپلز پارٹی کا پنجاب میں مسلم لیگ ن پر سیاسی دباؤ بڑھانے کا فیصلہ

09, جنوری , 2025

نیوز ٹوڈے : پاکستان پیپلز پارٹی نے پنجاب میں اقتدار کی تقسیم کے فارمولے پر عملدرآمد کے لیے صوبائی حکومت کو سیاسی طور پر مجبور کرنے کا فیصلہ کیا ہے۔ذرائع کے مطابق پیپلز پارٹی پنجاب نے تخت لاہور میں شرکت کے لیے کارکنوں کو متحرک کرنے کے لیے رابطہ مہم شروع کر دی ہے۔

ذرائع کا کہنا ہے کہ پہلے مرحلے میں پارٹی کو مضبوط کرنے کے لیے ضلعی سطح پر ورکرز کنونشن منعقد کرکے کارکنوں کو متحرک کیا جائے گا۔ اس دوران کارکنوں میں جوش و خروش پیدا کرنے کے لیے صوبائی حکومت کی پالیسیوں کا پوسٹ مارٹم کیا جائے گا۔ ذرائع کا کہنا ہے کہ اقتدار کی تقسیم کے معاملات پر مرکز میں دونوں جماعتوں کی اعلیٰ قیادت کے درمیان رابطوں اور مل کر کام کرنے پر اتفاق کے باوجود شیخوپورہ ورکرز کنونشن میں صوبائی رہنماؤں کی تقاریر نے واضح کر دیا کہ پاکستان پیپلز پارٹی وفاقی حکومت اور پنجاب میں الگ الگ عہدہ اختیار کریں۔