پنجاب حکومت نے 4 ہزار فی من گندم نہ خریدی تو اگلی فصل نہیں ہوگی، چیئرمین کسان اتحاد
- 13, جنوری , 2025
نیوز ٹوڈے : چیئرمین کسان اتحاد خالد حسین باتھ نے کہا ہے کہ پنجاب حکومت نے 4 ہزار فی من گندم نہ خریدی تو گندم کی اگلی فصل نہیں ہوگی۔ملتان میں کسان تنظیموں کے عہدیداروں کے ہمراہ پریس کانفرنس کرتے ہوئے چیئرمین کسان اتحاد خالد حسین باتھ کا کہنا تھا کہ وفاقی حکومت پاسکو کو بھی ختم کرنے جا رہی ہے، موسمیاتی تبدیلیوں کی وجہ سے اس سال گندم کی پیداوار کم ہوگی، حکومت کو درآمد کرنا پڑے گا۔
چیئرمین کسان اتحاد نے کہا کہ پنجاب حکومت نے ہمارا کوئی مطالبہ پورا نہیں کیا، ہم وزیراعلیٰ پنجاب سے 4 ہزار فی من گندم کا ریٹ مانگتے ہیں، پنجاب کے علاوہ تمام صوبوں نے 4 ہزار فی من گندم خریدی، اگر حکومت نے گندم نہیں خریدی تو 4000 فی من گندم، اگلی فصل نہیں ہوگی۔
انہوں نے مزید کہا کہ شوگر مل مالکان کے کہنے پر گنے کا ریٹ بھی 250 سے 300 روپے فی من مقرر کیا گیا۔
تبصرے