کرکٹ کے وہ بڑے نام جنہیں کسی ٹیم نے نہیں خریدا

نیوز ٹوڈے :   ایچ بی ایل پاکستان سپر لیگ  کے 10ویں سیزن کا پلیئرز ڈرافٹ مکمل ہو گیا ہے، 6 فرنچائزز نے بہترین کرکٹرز کو اپنی ٹیموں کا حصہ بنایا ہے۔پی ایس ایل 10 کے کھلاڑیوں کی ڈرافٹنگ کی تقریب لاہور کے حضوری باغ میں ہوئی جہاں فرنچائز مالکان اور ٹیم انتظامیہ نے ڈرافٹ کے ذریعے اپنی اپنی ٹیمیں تشکیل دیں۔

آسٹریلیا کےشان ایبٹ،   ڈیوڈ وارنر، نیوزی لینڈ کے ڈیرل مچل, کین ولیمسن، اور فن ایلن سمیت دنیا کے بڑے کرکٹرز نے مختلف ٹیموں کو جوائن کیا ہے۔جہاں کئی کرکٹرز کو ٹیموں میں جگہ ملی وہیں کرکٹ کی دنیا میں کچھ بڑے نام ایسے بھی ہیں جنہیں پی ایس ایل 10 میں کسی فرنچائز کی ٹیم کا حصہ نہیں بنایا گیا۔

وہ کھلاڑی جو کسی ٹیم کا حصہ نہیں بن سکے:
سرفراز احمد، ٹم ساؤتھی، احسان اللہ، جیسن رائے، ایلکس ہیلز، مجیب الرحمان، ایشٹن آگر، کرس لین، کوپر کونولی، ڈینیئل سمز، جیسن بہرنڈورف، مارک اسٹیکائٹ، موئسس ہنریکس، عثمان خواجہ، ولیم سدرلینڈ، مستفیض الرحمان، شکیب الرحمٰن۔ حسن، جو کلارک، لوری ایونز، ٹمل ملز، جمی نیشام، عمران طاہر، رضا ہینڈرکس، تبریز شمسی، چارتھ اسالنکا، ایون لیوس۔

سرفراز احمد کوئٹہ گلیڈی ایٹرز کے کوچ مقرر
سرفراز احمد پی ایس ایل کے افتتاحی ایڈیشن کے بعد پہلی بار پلیئرز ڈرافٹ کا حصہ تھے لیکن انہیں کسی ٹیم نے منتخب نہیں کیا تھا۔

تاہم کوئٹہ گلیڈی ایٹرز کے مالک ندیم عمر نے سابق کپتان سرفراز احمد کو نئی ذمہ داریاں دیتے ہوئے ٹیم کا کوچ مقرر کر دیا ہے۔