آرمی چیف کا خیبرپختونخوا میں آپریشن کے حوالے سے اہم بیان

نیوز ٹوڈے :    آرمی چیف جنرل سید عاصم منیر کی خیبرپختونخوا کے سیاسی رہنماؤں سے پشاور میں گفتگو، آرمی چیف کا کہنا تھا کہ افغانستان ہمارا برادر ہمسایہ، اسلامی ملک ہے، پاکستان ہمیشہ افغانستان سے بہتر تعلقات کا خواہاں ہے۔ آرمی چیف جنرل سید عاصم منیر نے کہا کہ ہماری پالیسی صرف پاکستان ہے، افغانستان سے فرق صرف افغانستان میں فتنہ الخوارج کی موجودگی اور سرحد پار سے پاکستان میں دہشت گردی پھیلانا ہے اور یہ تب تک رہے گا جب تک وہ اس کو ختم نہیں کر دیتے۔

مسئلہ، افغانستان ہمارا برادر ہمسایہ، ایک اسلامی ملک ہے اور پاکستان ہمیشہ سے افغانستان کے ساتھ بہتر تعلقات کا خواہاں ہے۔ آرمی چیف کا کہنا تھا کہ خیبرپختونخوا میں کوئی بڑے پیمانے پر آپریشن نہیں کیا جا رہا اور نہ ہی پاکستان کے کسی علاقے میں فتنہ الخوارج سرگرم ہے، صرف انٹیلی جنس کی بنیاد پر ٹارگٹڈ آپریشن کیا جا رہا ہے۔

آرمی چیف جنرل سید عاصم منیر نے کہا کہ کیا اللہ کی نظر میں کرپشن بڑا گناہ نہیں؟ ریاست ہے تو سیاست ہے، ریاست نہیں ہے تو کچھ نہیں، ہم سب کو بلا تفریق اور تعصب کے دہشت گردی کے خلاف مل کر کھڑا ہونا ہے۔ جب ہم ساتھ چلیں گے تو حالات جلد بہتر ہوں گے۔ انسان غلطیوں کا شکار ہوتے ہیں۔ ہم سب غلطیاں کرتے ہیں لیکن ان غلطیوں کو تسلیم نہ کرنا اور ان سے سبق نہ سیکھنا اس سے بھی بڑی غلطی ہے۔

آرمی چیف نے کہا کہ عوام اور فوج کے درمیان ایک خاص رشتہ ہے۔ اس رشتے میں، فرق کی جھوٹی داستان بنیادی طور پر بیرون ملک کے ایک مخصوص ایجنڈے سے چلتی ہے۔ نیشنل ایکشن پلان پر تمام جماعتوں کا اتفاق حوصلہ افزا ہے تاہم اس پر تیزی سے کام کرنا ہو گا۔