کراچی میں گل احمد آئیڈیاز کے سب سے بڑے فلیگ شپ اسٹور کا افتتاح کردیا گیا
- 16, جنوری , 2025
نیوز ٹوڈے : روایتی دستکاری اور جدت کا حسین امتزاج لاتے ہوئے، گل احمد آئیڈیاز کے پاکستان کے سب سے بڑے فلیگ شپ اسٹور کا کراچی میں افتتاح کر دیا گیا۔
گل احمد آئیڈیاز کے پاکستان میں سب سے بڑے فلیگ شپ سٹور کا افتتاح ڈولمین مال کلفٹن میں 30,000 مربع فٹ پر کر دیا گیا ہے جہاں سٹور میں سجاوٹ کی اشیاء اور لگژری آئٹمز کے ساتھ اعلیٰ معیار کے، منفرد انداز کے ملبوسات اور کلیکشن دستیاب ہیں۔
یہ اسٹور خواتین کے لیے پہننے کے لیے تیار ملبوسات کی وسیع رینج پیش کرتا ہے جو روزمرہ کے استعمال اور خاص مواقع دونوں کے لیے موزوں ہیں۔مردوں کے لیے پرکشش کپڑوں کا بہترین مجموعہ بھی یہاں دستیاب ہے، جس میں سلے ہوئے اور بغیر سلے دونوں قسم کے کپڑے شامل ہیں۔
آئیڈیاز سٹور سے گھر کی سجاوٹ کے لیے بیڈ شیٹس، کشن کور، تولیے اور دیگر اشیاء بھی خریدی جا سکتی ہیں جو گھر کی خوبصورتی اور سکون میں اضافہ کرتی ہیں۔دلکش خوشبوؤں کی ایک خاص رینج بھی اسٹور کا حصہ ہے، جو طرز زندگی کو مزید پرلطف بناتی ہے۔
تبصرے