فیصل آباد میں سیب کی قیمتیں کم نہ کرنے پر پھل فروش قتل
- 21, جنوری , 2025
نیوز ٹوڈے : فیصل آباد کے علاقے ڈی ٹائپ کالونی میں قیمت نہ کم کرنے پر پھل فروش کو قتل کر دیا گیا۔پولیس کے مطابق ڈی ٹائپ کالونی میں موٹر سائیکل پر سوار دو نامعلوم ملزمان نے پھل فروش شعیب کو سیب کی قیمت کم کرنے کا کہا اور ایسا نہ کرنے پر جھگڑا شروع کر دیا۔
اس دوران ملزمان نے پستول نکال کر فائرنگ کردی اور گولی لگنے سے شعیب شدید زخمی ہوگیا جسے اسپتال منتقل کیا گیا جہاں وہ جانبر نہ ہوسکا۔لاش کو پوسٹ مارٹم ڈیپارٹمنٹ منتقل کر دیا گیا۔ پولیس کے مطابق دو نامعلوم افراد کے خلاف مقدمہ درج کر لیا گیا ہے اور ملزمان کی تلاش جاری ہے۔
تبصرے