گیس لائن پیک پریشر خطرناک حد تک بڑھ گیا، پائپ لائن پھٹنے کا خطرہ

نیوز ٹوڈے :    جنوری میں شدید سرد موسم کے دوران مین گیس پائپ لائن میں لائن پیک پریشر دوبارہ بڑھ کر 5.26 بلین کیوبک فٹ (BCF) ہو گیا ہے۔لائن پیک پریشر میں اضافے نے قومی گیس نیٹ ورک کے نظام کو خطرے میں ڈال دیا ہے کیونکہ 5 BCF حد سے تجاوز کرنے پر خطرے کا نشان ہے، جس کی وجہ سے پائپ لائن کسی بھی وقت پھٹ سکتی ہے۔

گیس لائن پیک کے تازہ ترین اعداد و شمار کے مطابق گھریلو سیکٹر کی گیس کی طلب بڑھ کر 950 ایم ایم سی ایف ڈی ہو گئی ہے اور آر ایل این جی کی 450 ایم ایم سی ایف ڈی رہائشی صارفین کی طرف موڑ دی جا رہی ہے لیکن پاور سیکٹر اپنی 400 ایم ایم سی ایف ڈی کی طلب کے مقابلے میں آر ایل این جی استعمال نہیں کر رہا۔

یہ اب بجلی کی پیداوار کے لیے 300 ایم ایم سی ایف ڈی سے نیچے جا رہا ہے۔ ہائیڈرو جنریشن کے باوجود بجلی کی طلب 10,000 سے 13,000 میگاواٹ کے درمیان ہے جو کہ 31 جنوری 2025 تک نہر کی بندش کی وجہ سے 1,000 میگاواٹ سے نیچے جا رہی ہے۔

پاور ڈویژن کا کہنا ہے کہ وہ RLNG پر مبنی پاور پلانٹس کو اکنامک میرٹ آرڈر (EMO) کے طور پر چلاتا ہے اور وہ سب سے پہلے ان پلانٹس کو چلاتا ہے جو سستے ہیں یا ان کو چلانے کے لیے ضروری پاور پلانٹس ہیں۔