فاسٹ بولر ارشدیپ سنگھ نے ہندوستان کے لیے ٹی ٹوئنٹی میں اہم کارنامہ انجام دیا

  • 23, جنوری , 2025
ارشدیپ سنگھ

  نیوز ٹوڈے :   ہندوستانی کرکٹ ٹیم کے فاسٹ بولر ارشدیپ سنگھ نے ہندوستان کے لیے ٹی ٹوئنٹی میں اہم کارنامہ انجام دیا۔بدھ کو، ارشدیپ سنگھ کولکتہ میں انگلینڈ کے خلاف 5 میچوں کی T20 سیریز کے پہلے میچ میں 2 وکٹیں لے کر اس فارمیٹ میں ہندوستان کے لیے سب سے زیادہ وکٹ لینے والے بولر بن گئے۔

تیز گیند باز ارشدیپ سنگھ، جنہوں نے 2022 میں ہندوستان کے لیے ٹی 20 میں ڈیبیو کیا، نے 61 ٹی 20 انٹرنیشنل میچوں میں 97 وکٹیں لے کر یہ اعزاز حاصل کیا۔اس سے قبل ٹی 20 انٹرنیشنل میں ہندوستان کے لیے سب سے زیادہ وکٹیں لینے کا اعزاز اسپنر یوزویندر چہل کے پاس تھا جنہوں نے 79 میچوں میں 96 وکٹیں حاصل کی تھیں۔

واضح رہے کہ کولکتہ میں کھیلے گئے پہلے ٹی ٹوئنٹی میں انگلینڈ کی ٹیم بھارت کے خلاف پہلے بیٹنگ کرتے ہوئے 132 رنز بناکر آؤٹ ہوگئی تھی۔میزبان ٹیم نے ہدف 13ویں اوور میں باآسانی 3 وکٹوں کے نقصان پر حاصل کر لیا اور 5 میچوں کی سیریز میں 1-0 کی برتری حاصل کر لی۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام