طویل اور مختصر حج پیکج کی حتمی قیمتیں کیا ہوں گی؟ وزارت مذہبی امور نے اعلان کر دیا

28, جنوری , 2025

نیوز ٹوڈے : طویل اور مختصر حج پیکج کی حتمی قیمتیں کیا ہوں گی؟ وزارت مذہبی امور نے اعلان کر دیا۔وزارت مذہبی امور کے ترجمان کے مطابق طویل حج پیکج کی حتمی قیمت 10 لاکھ 75 ہزار روپے مقرر کی گئی ہے اور مختصر حج پیکج 11 لاکھ 50 ہزار روپے ہوگا۔

ترجمان مذہبی امور کا کہنا ہے کہ حج فیس کی تیسری قسط یکم سے 10 فروری تک وصول کی جائے گی، سرکاری حج سکیم میں محدود نشستیں رہ گئی ہیں۔

ترجمان کے مطابق نئی درخواستیں پہلے آئیے پہلے پائیے کی بنیاد پر 30 جنوری تک وصول کی جائیں گی تاہم مختصر حج کی بکنگ مکمل ہوچکی ہے اور صرف خالی نشستوں پر طویل حج پیکج کی بکنگ ہوگی۔وزارت مذہبی امور کے ترجمان کا کہنا ہے کہ نجی عازمین حج کی بکنگ 31 جنوری تک جاری رہے گی۔