اوور بلنگ اور یونٹس نکالنے پر نیب نے لیسکو افسران کو طلب کر لیا

  • 29, جنوری , 2025
اوور بلنگ اور یونٹس

نیوز ٹوڈے :    قومی احتساب بیورو (نیب) نے اوور بلنگ اور یونٹس کی واپسی سے متعلق اپنی تحقیقات کا دائرہ وسیع کر دیا ہے۔ڈپٹی ڈائریکٹر نیب نے لیسکو کے 20 ایس ڈی اوز کو نوٹس بھجواتے ہوئے تمام افسران کو 4 فروری کو ریکارڈ سمیت پیش ہونے کی ہدایت کی ہے۔

نیب کی جانب سے طلب کیے گئے افسران میں سرکل ون، سرکل ٹو، سرکل تھری اور دیگر کے افسران شامل ہیں۔ نوٹس کے متن میں کہا گیا ہے کہ اوور بلنگ اور یونٹس نکالنے کی مدت 2020 سے 2024 تک ہے، کن افسران نے صارفین کے بل سے یونٹس نکالنے کی ہدایات دی؟

دوسری جانب لیسکو ذرائع کا کہنا ہے کہ ان کے بیانات کی روشنی میں ایگزیکٹوز، ایس ای اور چیف انجینئرز سمیت دیگر افسران کو بھی طلب کیا جائے گا۔ذرائع کے مطابق اوور بلنگ اور اس کے بعد یونٹس کی واپسی کی انکوائری فروری میں مکمل کر لی جائے گی۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام