وزیراعلیٰ پنجاب نے راولپنڈی رنگ روڈ منصوبہ دسمبر تک مکمل کرنے کی ڈیڈ لائن دے دی

نیوز ٹوڈے :     وزیر اعلیٰ پنجاب مریم نواز نے راولپنڈی رنگ روڈ منصوبے کو دسمبر تک مکمل کرنے کی ڈیڈ لائن دے دی ہے۔

وزیر اعلیٰ پنجاب مریم نواز نے راولپنڈی رنگ روڈ منصوبے کا دورہ کیا۔ اور منصوبے کا دائرہ کار وسیع کرنے کی ہدایت کی۔ مریم نواز نے راولپنڈی رنگ روڈ منصوبے کو دسمبر تک مکمل کرنے کی ڈیڈ لائن دے دی۔

وزیراعلیٰ پنجاب نے راولپنڈی رنگ روڈ منصوبے کا فضائی سروے بھی کیا۔ جبکہ انہوں نے خاصالیحہ خورد راولپنڈی رنگ روڈ کیمپ آفس کا بھی دورہ کیا۔

کمشنر راولپنڈی ڈویژن عامر خٹک نے وزیر اعلیٰ پنجاب کو رنگ روڈ منصوبے پر بریفنگ دیتے ہوئے بتایا کہ بنٹھ، چک بیلی خان، اڈیالہ روڈ، چکری روڈ اور تھلیاں میں 5 انٹر چینجز بنائے جائیں گے۔انہوں نے کہا کہ راولپنڈی رنگ روڈ پر ریلوے پل اور 5 اوور پاسز بنائے جائیں گے جب کہ 21 سب ویز ہوں گے۔

وزیر اعلیٰ پنجاب مریم نواز نے کہا کہ 38 کلو میٹر طویل راولپنڈی رنگ روڈ کی تکمیل سے ٹریفک کا مسئلہ حل ہو جائے گا۔ اور منصوبے کی تکمیل سے معاشی اور کاروباری سرگرمیوں میں بھی اضافہ ہوگا۔انہوں نے کہا کہ راولپنڈی رنگ روڈ کی تکمیل سے لاکھوں شہریوں کو سفر میں آسانی ہوگی۔