وزیراعظم کی پی ٹی آئی کو دوبارہ مذاکرات کی دعوت، کمیشن کی بجائے پارلیمانی کمیٹی بنانے کی پیشکش

  • 30, جنوری , 2025
وزیر اعظم شہباز شریف

نیوز ٹوڈے :   وزیر اعظم شہباز شریف نے ایک بار پھر پی ٹی آئی کو مذاکرات کی دعوت دیتے ہوئے پارلیمانی کمیٹی بنانے کی پیشکش کر دی۔وفاقی کابینہ کے اجلاس میں اظہار خیال کرتے ہوئے وزیراعظم نے کہا کہ وہ کھلے دل سے پی ٹی آئی کے ساتھ مذاکرات میں بیٹھے اور مذاکرات کے لیے سازگار ماحول فراہم کیا گیا تاہم پی ٹی آئی مذاکرات سے بھاگ رہی ہے۔وزیراعظم نے کہا کہ ہم نے پی ٹی آئی سے بہت اچھی نیت سے مذاکرات کیے، ہماری کمیٹی نے کہا کہ اپنے تحریری مطالبات دیں۔

شہباز شریف نے پی ٹی آئی کو کمیشن کے بجائے پارلیمانی کمیٹی بنانے کی پیشکش کرتے ہوئے کہا کہ وہ آکر بیٹھیں، ہم ہاؤس کمیٹی بنانے کے لیے تیار ہیں، ہم مخلصانہ طور پر مذاکرات کے لیے تیار ہیں۔واضح رہے کہ پی ٹی آئی نے 9 مئی اور 26 نومبر کے واقعات پر کمیشن بنانے کا مطالبہ کیا ہے جس کے باعث پی ٹی آئی نے مذاکراتی کمیٹی کے اجلاس میں بھی شرکت نہیں کی۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام