یورپی یونین کے نمائندہ خصوصی برائے انسانی حقوق کی مریم نواز سے ملاقات

مریم نواز

نیوز ٹوڈے :  وزیر اعلیٰ پنجاب مریم نواز شریف سے یورپی یونین کے خصوصی نمائندہ برائے انسانی حقوق اولوف سکوگ کی قیادت میں ایک وفد نے ملاقات کی جس میں بنیادی انسانی حقوق کے فروغ، جمہوریت اور قانون کی حکمرانی پر تبادلہ خیال کیا گیا۔

مریم نواز نے یورپی یونین کی پاکستان بالخصوص پنجاب کے ساتھ مسلسل شراکت داری اور انسانی حقوق کے معاملے پر تعمیری مصروفیات کو سراہا جبکہ یورپی یونین کے وفد نے انسانی حقوق کے تحفظ کے لیے پنجاب حکومت کی کوششوں کی حمایت جاری رکھنے کے عزم کا اعادہ کیا۔

وزیراعلیٰ مریم نواز نے گفتگو کرتے ہوئے کہا کہ پاکستان اقوام متحدہ کے انسانی حقوق کے طریقہ کار کے ساتھ مکمل تعاون کر رہا ہے اور پنجاب میں جمہوریت، قانون کی حکمرانی اور انسانی حقوق کے فروغ کے لیے پرعزم ہے۔

انہوں نے کہا کہ اقلیتوں، خواتین، بچوں، خصوصی افراد اور دیگر کمزور گروہوں کی فلاح و بہبود کے لیے عملی اقدامات کیے جا رہے ہیں۔ پاکستان نے حال ہی میں انسانی حقوق پر اقوام متحدہ کے ایک اہم جائزہ اجلاس میں شرکت کی۔

مریم نواز نے مزید کہا کہ اگست 2024 میں پاکستان نے نسلی امتیاز کے خاتمے کے بین الاقوامی کنونشن (آئی سی ای آر ڈی) کے تحت کامیابی کے ساتھ جائزہ پیش کیا اور بنیادی انسانی حقوق کے فروغ کے لیے مستقبل میں یورپی یونین کے ساتھ تعاون کو مزید مضبوط کیا جائے گا۔

user

تبصرے

بطور مہمان تبصرہ کریں:
+