پی ٹی آئی نے وزیراعظم کی مذاکرات کی دعوت مسترد کر دی

نیوز ٹوڈے :    پاکستان تحریک انصاف (پی ٹی آئی) کے چیئرمین بیرسٹر گوہر نے وزیراعظم شہباز شریف کی جانب سے ایک بار پھر مذاکرات کی پیشکش پر ردعمل کا اظہار کرتے ہوئے کہا ہے کہ وزیراعظم نے مذاکرات پر جو بحث کی وہ ان کی کابینہ کی اندرونی بحث تھی، حکومت نے پیشکش کی یا نہیں۔ کسی بھی رسمی طریقہ کار کے ذریعے ہم سے رابطہ کریں۔

بیرسٹر گوہر کا کہنا ہے کہ وزیراعظم کی گفتگو کا ہمارے مطالبات سے کوئی تعلق نہیں، ہمارے مطالبات میں قیدیوں کی رہائی اور کمیشن کا قیام شامل ہے، ہمارے پاس حکومت کے خلاف طویل چارج شیٹ ہے جس میں مینڈیٹ بھی شامل ہے۔

پی ٹی آئی چیئرمین کا کہنا ہے کہ اس سب کے باوجود ہم نے مذاکرات کے لیے صرف دو مطالبات پیش کیے تھے، وزیراعظم کی بات مطالبات سے غیر متعلق ہے، وزیراعظم کی جانب سے ایسی کسی پیشکش پر غور نہیں کیا جاسکتا۔ قومی اسمبلی میں اپوزیشن لیڈر عمر ایوب نے وزیراعظم شہباز شریف کی مذاکرات کی دعوت کو یکسر مسترد کرتے ہوئے کہا کہ اب مذاکرات کی دیر ہے، پاکستان تحریک انصاف دیگر اپوزیشن جماعتوں کے ساتھ مل کر حکومت کے خلاف تحریک چلائے گی۔

عمر ایوب نے کہا کہ پی ٹی آئی کے بانی نے نیک نیتی سے کمیٹی بنائی، ہمارا واضح مطالبہ تھا کہ پی ٹی آئی کے تمام گرفتار کارکنوں کو رہا کیا جائے، 9 مئی اور 26 نومبر کے واقعات پر جوڈیشل کمیشن بنایا جائے۔

عمر ایوب نے کہا کہ ہمیں پی ای سی اے ایکٹ پر بات کرنے کی اجازت نہیں دی گئی، پی ای سی اے ترمیمی ایکٹ پر پیپلز پارٹی ہمارے ساتھ تھی، انہیں ہدایات ملی تھیں جس پر انہوں نے دوغلے پن سے کام کیا۔

پی ٹی آئی رہنما شوکت یوسفزئی کا کہنا ہے کہ ہم حکومت کی دوبارہ مذاکرات کی پیشکش کو مسترد کرتے ہیں، ایک طرف مذاکرات کی پیشکش اور دوسری طرف دھمکیاں دی جارہی ہیں۔شوکت یوسفزئی نے کہا کہ پی ٹی آئی مذاکرات سے نہیں بھاگی بلکہ حکومت بیک فٹ پر چلی گئی، حکومت جوڈیشل کمیشن کا اعلان کرے، ہم آج مذاکرات کے لیے تیار ہیں۔

View this post on Instagram

A post shared by ARY News (@arynewstv)