ایران نے امریکی حملے کے جواب میں امریکی اڈوں کو تباہ کرنے کی دھمکی دے دی

  • 13, جون , 2025

    نیوز ٹوڈے : بین الاقوامی میڈیا کی رپورٹ کے مطابق ایران کے وزیر دفاع (ناصر زادے) نے جوہری معاہدے میں ناکامی کے بعد ایران پر امریکی حملے کے جواب میں مشرق وسطیٰ میں قائم امریکی اڈوں پر حملے کی دھمکی دے دی ـ ناصر زادے کا کہنا تھا کہ اگر امریکہ نے جوہری معاہدہ نہ ہونے کی صورت میں ایران پر حملہ کیا تو ایران اس کے جواب میں مشرق وسطیٰ میں امریکی اڈوں کو نشانہ بناۓ گا ـ

   ایرانی وزیر دفاع نے کہا کہ میں امید کرتا ہوں کہ ایسی نوبت نہ آۓ اور مذاکرات کے مثبت نتائج سامنے آئیں لیکن اگر مذاکرات ناکام ہوۓ اور ایران پر جنگ مسلط کی گئی تو امریکہ کو ایران کے مقابلے میں زیادہ نقصان اٹھانا پڑے گا ـ

   ناصر زادے نے کہا کہ ایران پر حملے کی صورت میں امریکہ کو مشرق وسطیٰ سے نکلنا پڑے گا ـ ایرانی وزیر دفاع کا کہنا تھا کہ مشرق وسطیٰ میں قائم تمام امریکی اڈے ایران کے نشانے پر ہیں اور ایران بغیر کسی جھجک کے ان کو اڑا دے گا ـ دوسری طرف امریکی صدر کا کہنا ہے کہ مجھے ایران کے ساتھ جوہری معاہدے کی کامیابی کے امکانات کم نظر آرہے ہیں ـ 

user
وسیم حسن

تبصرے

بطور مہمان تبصرہ کریں:
+

خاص خبریں

تازہ ترین

اقسام