امریکی حملوں کا جواب کیسے دینا ہے اس کا فیصلہ ایران کی تینوں فوجیں کریں گی ، ایران

  • 23, جون , 2025

     نیوز ٹوڈے : اقوام متحدہ کی سلامتی کونسل میں ایرانی نمائندے (امیر سعید ایروانی) نے امریکہ پر تنقید کرتے ہوۓ کہا کہ امریکہ نے ایران پر جنگ مسلط کر دی ہے، اور ایران اپنے دفاع کا حق محفوظ رکھتا ہے ـ ایروانی نے کہا کہ ایران ، امریکی جارحیت کا جواب ضرور دے گا اور اس کا فیصلہ ایرانی افواج کریں گی ـ اپنے لمبے چوڑے بیان میں ایروانی نے اسرائیل پر بھی الزام لگایا کہ اس نے امریکہ کو ایک مہنگی اور بے بنیاد جنگ میں دھکیل دیا ہے ـ

  ایرانی نمائندے کا کہنا تھا کہ دونوں ممالک کے اقدامات بین الاقوامی قوانین کی کھلی خلاف ورزی ہیں ـ ایروانی نے کہا کہ اسرائیل نے جھوٹا اور غلط بیانیہ جاری کیا کہ ایران ایٹم بم بنانے کے قریب پہنچ چکا ہے ـ ایروانی نے کہا کہ بین الاقوامی جماعتوں اور کچھ مغربی ملکوں جن میں "فرانس اور برطانیہ" شامل ہیں ، کی مکمل خاموشی ، دوہرا معیار اور مداخلت بھی قابل مذمت ہے ـ ایروانی نے اپنے خطاب کے آخر میں اقوام متحدہ سے مطالبہ کیا کہ امریکہ اور اسرائیل کو ذمہ دار ٹھہرایا جاۓ ـ

user
وسیم حسن

تبصرے

بطور مہمان تبصرہ کریں:
+

خاص خبریں

تازہ ترین

اقسام