صدرِ پاکستان عارف علوی نے سمری پر دستخط کر دیے ، جنرل عاصم منیر نئے آرمی چیف مقرر

دانیال احمد خان
25 November,2022

صدرِ پاکستان ڈاکٹر عارف علوی نے حکومت کی جانب سے موصول ہونے والی آرمی چیف کی تعیناتی سے متعلق سمری پر  دستخط کر دیے ہیں۔

واضح رہے کہ  عارف علوی کے دستخط کرنے کے بعد جنرل عاصم منیر  پاکستان کی مسلح افواج کے نئے آرمی چیف مقرر ہو گئے ہیں۔

گزشتہ روز حکومت نے  جنرل عاصم منیر کا نام بھجوایا تو صدر پاکستان عمران خان سے مشاورت کے لیے فوری طور پر اسلام آ باد سے لاہور روانہ ہو ئے اور اس معاملے پر چیئر مین پی ٹی آئی سے ملاقات کر کے تبادلہ خیال کیا ۔

مشاورت کے بعد  عارف علوی نے اس سمری پر دستخط کر دیے ، جس کے بعد وہ واپس اسلام آباد روانہ ہو گئے ، یاد رہے کہ جنرل عاصم منیر  نے پہلے وزیر اعظم ہائوس جا کر شہباز شریف سے ملاقات کی اور پھر ایوان صدر جا کر ڈاکٹر عارف علوی  سے بھی ون آن ون بات چیت کی ۔

صدر پاکستان  کی جانب سے جنرل عاصم منیر کو آرمی چیف بننے پر مبارکباد دی گئی اور ان کے مستقبل کے لیے نیک تمنائوں کا اظہار کیا گیا ۔

مزید پڑ ھیں : ترکیہ میرا گھر ہے ، شہباز شریف

 

Share This Article