عمران خان آزادی نہیں آوارگی چاہتا ہے، مولانا فضل الرحمان کی سخت تنقید

28, نومبر , 2022

نیوزٹوڈے:پاکستان ڈیموکریٹک موومنٹ کے سربراہ مولانا فضل الرحمان نے عمران کو سخت تنقید کا نشانہ بناتے ہوئے کہا ہے کہ عمران خان آزادی نہیں آواگی چاہتا ہے۔

تفصیلات کے مطابق انہوں نے کوہستان میں جلسے سے خطاب کرتے ہوئے کہا کہ ہم نے ڈنکے کی چوٹ پر عمران خان کو نکالا ہے ہم نے عمران خان کو گریبان سے پکڑ کر اقتدار سے باہر کیا۔

اس کے علاوہ فضل الرحمان نے عمران خان کو مخاطب کرتے ہوئے کہا ہے کہ جو تم نے کہا اس کا مکافاتِ عمل ہے۔ تم اب بند گلی میں چلے گئے ہو تم آزادی نہیں آوارگی چاہتے ہو۔ دھمکی دیتا ہے کہ استعفی دے دوں گا تم نے استعفی دیا واپس اسمبلی میں آئے یا نہیں؟

اس کے علاوہ ان کا یہ بھی کہنا تھا کہ عمران خان کہتا ہے کہ لانگ مارچ میں دس لاکھ سے زیادہ لوگ ہوں گے لیکن دس ہزار لوگ بھی اکٹھے نہ کرسکا۔