کراچی کے مختلف علاقوں میں شراب کی ہو م ڈلیوری دینے والا ملزم گرفتار
- 30, نومبر , 2022
نیوز ٹوڈے:کراچی کے ضلع ایسٹ کی ٹیپو سلطان پولیس نے کراچی کے مختلف علاقوں میں شراب ڈلیور کرنے والے ملزم سنتوش کو گرفتار کرلیا اور اس کے قبضے سے شراب کی متعدد بوتلیں برآمد کر لیں۔
سینئر سپرنٹنڈنٹ پولیس ایسٹ عبدالرحیم شیرازی کا کہنا ہے کہ یہ کاروائی ٹیپو سلطان تھانہ کی ایس ایچ او انسپکٹر عظمی خان نے ٹیم کے ہمراہ گشت کے دوران چنیسر ہالٹ پھاٹک کے قریب کی ہے۔
پولیس کا کہنا ہے کہ ملزم سنتوش نے بیان دیا ہے کہ وہ گارڈن کا رہائشی اور کورنگی نمبر 4 میں واقع وائن شاپ پر کام کرتا ہے۔
ملزم سنتوش کا کہنا ہے کہ وہ ڈیوٹی ختم کرنےکے بعد وہ اپنے مخصوص گاہکوں کو ان کے گھر تک شراب کی ڈلیوری کرتا ہے۔
پولیس کا کہنا ہے کہ ملزم سنتوش کے خلاف مقدمہ درج کرکے تفشیش شروع کردی گئی ہے۔
مزید پڑھیں:طلبہ کا استاد پر تشدد
عائشہ ظفر
تبصرے