اچھا بھائی خدا حافظ ، اب میں چلتا ہوں ، فوج سے روحانی رابطہ قائم رہے گا ،جنرل باجوہ

30, نومبر , 2022

نیوز ٹوڈے - جنرل قمر جاوید باجوہ نے اپنی الوداعی تقریب میں بیان دیا ،اچھا بھائی خدا حافظ، اب میں چلتا ہوں ، انہوں نے کہا کہ عنقریب میں گمنامی میں چلا جائوں گا مگر فوج کے ساتھ میرا روحانی رابطہ ہمیشہ قائم رہے گا.

جنرل باجوہ نے فوج کی کمان جنرل عاصم منیر کو سونپی اور اپنی آخری تقریب میں عوام سے کچھ الفاظ کہے ، انہوں نے کہا کہ پاک فوج نے ہمیشہ میرا سر فخر سے بلند رکھا ہے ، میں نے جب بھی فوج سے پسینہ مانگا تو انہوں نے مجھے اپنا خون دیا.

جنرل باجوہ نے کہا امید ہے کہ جنرل عاصم منیر کی قیادت میں پاک فوج اب اپنی اگلی منازل کی طرف سفر طے کرے گی اور ان کو مثبت انداز میں حاصل کرے گی.

آخر میں انہوں نے نعرہ لگایا پاک فوج زندہ باد ، پاکستان پائندہ باد، یہ کہہ کر وہ گاڑی میں بیٹھ کر روانہ ہو گئے.