یوکرین پر حملے بڑھا کر روس نے ماہرین کے دعووں کو جھٹلا دیا
- 16, جنوری , 2023
وسیم حسن
روس اور یوکرین کے درمیان جنگ کو ایک سال ہو گیا ہے لیکن یہ جنگ کسی نتیجے پر نہیں پہنچ پا رہی ہے روس دن بدن یوکرین پر حملوں میں تیزی لا رہا ہے یورپ اور مشرقِ وسطٰی کے ماہرین کا کہنا ہے کہ روس اس جنگ میں کمزور ہوتا جا رہا ہے ۔
لیکن روس نے ان ماہرین کے بیان کو یوکرین پر حملوں کو بڑھا کر جھٹلا دیا ہے روس نے یوکرین کے علاقے دی نیپرو پر بہت خوفناک حملے کیے حملے اتنے شدید تھے کہ دی نیپرو کا پورا علاقہ کھنڈرات کا نمونہ پیش کرنے لگا ۔
روس کے ان حملوں میں پانچ عام شہری مارے گئے اور لاتعداد زخمی ہیں مرنے والوں کی تعداد بڑھ بھی سکتی ہے دی نیپرو کے علاقے کے عوام بغیر بجلی اور بنیادی سہولیات کے گزارہ کر رہے ہیں ۔
صرف دی نیپرو پر ہی نہیں بلکہ روس نے یوکرین کے دارالحکومت کیو کے پاور پلانٹ پر بھی حملہ کر کے تباہ کر دیا ہے جس سے پورا کیواندھیرے میں ڈوب گیا ہے روس کے ان حملوں سے واضح ہے کہ روس اس جنگ میں اپنا مقصد حاصل کیے بغیر پیچھے ہٹنے والا نہیں ۔
جنگ کو ایک سال ہونے والا ہے اور اس جنگ کے دوران ولادیمیر پیوٹن نے تیسری مرتبہ اپنی فوج کا سربراہ تبدیل کیا ہے اس مرتبہ پیوٹن نے ایسا آرمی سربراہ لگایا ہے جو شروع سے ہی اس جنگ کے خلاف تھا پیوٹن کے یہ اقدام پوری دنیا کی سمجھ سے بالاتر ہیں کہ وہ کیا کرنا چاہتے ہیں ۔
تبصرے