سولہ سال پرانا آئی فون 1 کروڑ 64 لاکھ میں فروخت

21, فروری , 2023

نیوز ٹوڈے: 2فروری کو یہ فون ڈھائی ہزار ڈالرز کی پہلی بولی کے ساتھ نیلامی کے لیے پیش ہواتھا اور 19 فروری تک اس فون کے لئےبولی لگتی رہی۔ آکشن ہاؤس کو امید تھی کہ یہ آئی فون پچاس ہزار ڈالرز میں فروخت ہوجائےگا۔ یہ فون ایک خاتون کیرن گرین کا تھا جو ان کو 2007 میں تحفہ کے طور پر ملا تھا، لیکن وہ فون کنکشن کے مسائل کی وجہ سےاسے استعمال نہیں کرسکیں اورفون الماری میں رکھ کر بھول گئیں۔ اب انہوں نے اسے نیلامی کے لیے پیش کیا تاکہ اپنے کاروبار کے لیے رقم اکٹھی کر سکیں۔

یاد رہےکہ 8 جی بی اسٹوریج والا یہ آئی فون 2007 میں 599 ڈالرز میں فروخت کے لیے پیش کیا گیا تھا۔ اس میں 3.5 انچ کا ڈسپلے اور 2 میگا پکسل کا کیمرا بھی ہے۔ اس کے مقابلے میں نئے آئی فون 14 میں 128 جی بی اسٹوریج اور 12 میگا پکسل مین کیمرے کے ساتھ ایک الٹرا وائیڈ لینز بھی دیا گیا ہے۔