کیفی کا گانا " کہانی سنو" عالمی شہرت یافتہ گانوں میں شامل

27, فروری , 2023

نیوز ٹوڈے: کیفی کا گانا'' کہانی سنو'' گلوبل میوزک ویڈیو چارٹس پر 8 ویں نمبر پر آیا ہے۔ کہانی سنو پہلا گانا ہے جو پاکستان کی تاریخ میں گلوبل ٹاپ10 میں پہنچا ہے،اس گانے کو یوٹیوب پر گیارہ کروڑ چالیس لاکھ سے زیادہ مرتبہ دیکھا جاچکا ہے۔اس حوالے سےکیفی نے بھی سوشل میڈیا پر پیغام جاری کیا اور اس کامیابی پر اللہ تعالیٰ کا شکر ادا کیا۔

کیفی خلیل نے اپنی ٹوئٹ میں لکھا 'اللہ کا شکر ہے اور میرے تمام مداحوں کا بھی بے حد شکرگزار ہوں جنہوں نے اتنا پیار اور سپورٹ کیا، ان سب چاہنے والوں کے لیے ڈھیروں پیار اور دعائیں'۔ کیفی نے کہا کہ 'میں آپ سب کا ہمیشہ شکر گزار رہوں گا اور کوشش کروں گا کہ میں جو میں محسوس کرتا ہوں وہ آپ سب لوگوں کے لیے ہمیشہ لکھتا رہوں۔