شاہد آفریدی کی ٹیم ایشیا لائنز نے قطر میں لیجنڈز لیگ کی ٹرافی جیت لی
- 21, مارچ , 2023
نیوزٹوڈے: پاکستان کے سابق کپتان شاہد آفریدی کی ٹیم ایشیا لائنز نے قطر میں ورلڈ جائنٹس کو سات وکٹوں سے شکست دے کر لیجنڈز لیگ کا فائنل جیت لیا۔ ورلڈ جائنٹس نے پہلے کھیلتے ہوئے مقررہ اوورز میں 4 وکٹوں پر 147 رنز بنائے تھے۔ جنوبی افریقہ کے جیک کیلس 78 رنز بنا کر آؤٹ ہوئے۔ جواب میں بوم بوم آفریدی کی ایشیا لائنز نے 148 رنز کا ہدف تین وکٹوں کے نقصان پر حاصل کر لیا۔ سری لنکا کی جانب سے تلکارتنے دلشان اور اپل تھرنگا نے بالترتیب 58 اور 57 رنز بنائے۔ محمد حفیظ اور مصباح الحق نے نو نو رنز بنائے اور ناٹ آؤٹ رہے۔ بنگلہ دیش سے تعلق رکھنے والے اسپنر عبدالرزاق کو شاندار باؤلنگ پر مین آف دی میچ قرار دیا گیا۔ انہوں نے چار اوورز میں صرف 14 رنز دے کر دو کھلاڑیوں کو آؤٹ کیا۔ شاہد آفریدی نے افغان عوام کو ٹرافی تحفے میں دی۔ انہوں نے کہا کہ ٹرافی اصغر افغان اور افغانستان کے عوام کے لیے ہے۔
تبصرے