پاکستان حکومتی قہر کے ساتھ ساتھ خدائی قہر سے دوچار

پاکستان میں گندم کی کٹائی کے موسم میں مختلف علاقوں میں بارشوں کا سلسلہ شروع ہو گیا ہے ان بے وقت کی بارشوں کی وجہ سے گندم کی فصل میں کمی کے خدشات پیدا ہو رہے ہیں کیونکہ ان بارشوں اور ژالہ باری کی وجہ سے گندم کی فصل کافی متاثر ہو رہی ہے صوبہ بلوچستان کے کئی علاقوں میں لگاتار بارش اور ژالہ باری سے سیلابی صورتحال پیدا ہو گئی ہے چاغی میں طوفانی ہوائیں اور موسلا دھار بارش کا سلسلہ جاری ہے جس سے گندم کی فصلیں بہت متاثر ہو رہی ہیں اور طوفانی ہواؤں کے باعث پھل گرنے سے کسانوں کو مالی نقصان پہنچ رہا ہے جنوبی پنجاب کے کئی علااقوں میں بارش سے گندم کی فصل کو شدید نقصان پہنچا ہے آج سے کراچی میں بھی بارشوں کا سلسلہ ایک بار پھر شروع ہو گیا ہے ۔

بلوچستان کے کئی علاقوں میں مٹی کا شدید طوفان آیا ہے جس نے بدین اور اس کے گرد و نواح کے علاقوں کو اپنی لپیٹ میں لے لیا ہے بارش کے باعث اندرون سندھ کے کئی علاقوں میں بجلی بند ہو گئی ہے بارش سے متاثرہ علاقوں میں رات سے بند بجلی ابھی تک بحال نہ ہو سکی بجلی کی لوڈ شیڈنگ کے ساتھ ساتھ رمضان المبارک کے مہینے میں گیس کی قلت اور مہنگائی کا مسئلہ بھی جوں کا توں ہے حکومت رمضان کے مہینے میں بھی عوام کو ریلیف نہ دے سکی لاہور ، کراچی ، اسلام آباد ، کوئٹہ سمیت دوسرے کئی شہروں میں گیس کا بحران بہت شدید ہو گیا ہے لوگ سحری کے وقت ہوٹلوں سے کھانا لانے پر مجبور ہو گئے ہیں اب پاکستان بھر میں عام سہولیات اور اشیاۓ خوردو نوش عام عوام کی پہنچ سے دور ہو ہوتی جا رہی ہیں ۔