سوات کے سی ٹی ڈی تھانہ میں خوفناک دھماکہ

      پاکستان کے ضلع سوات کے سی ٹی ڈی تھانے میں ہونے والے خوفناک دھماکے سے تھانے کی عمارت زمین بوس ہو گئی اور اب تک اس حادثے میں ہلاک ہونے والے افرادکی  تعداد 15 ہو گئی ہے جبکہ 40 افراد شدید زخمی ہو گۓ ہیں  ہلاک ہونے والے افراد کی تعداد میں اضافہ بھی ہو سکتا ہے اس دھماکے میں شہید ہونے والوں میں دو پولیس افسر بھی شامل ہیں تھانے میں چونکہ اسلحہ اور گولہ بارود بھی موجود تھا اس لیے دھماکہ بہت خوفناک تھا اس دھماکے سے ارد گرد کی عمارتوں کو بھی نقصان پہنچا ہے تھانے کے قریب ایک گھر میں دو بچے بھی زخمی ہو گۓ شہداء کی میتیں اور زخمیوں کو کبل اور سوات کے  ہسپتالوں میں پہنچا دیا گیا ہے ۔

    سوات کے ہسپتالوں میں ایمرجینسی نافذ کر دی گئی ہے دھماکے کے بعد بجلی کا سلسلہ منقطع ہو جانے سے امدادی کاروائیوں میں مشکل پیش آ رہی ہے ڈی پی او سوات شفیع اللٰہ گنڈہ پور نے دھماکے کی وجہ شارٹ سرکٹ کو قرار دیا انہوں نے دہشت گردی کا امکان ترک کرتے ہوۓ تصدیق کر دی ہے کہ شارٹ سرکٹ کی وجہ سے تھانے میں موجود دھماکہ خیز مواد پھٹا ہے اور انہوں نے مزید یہ امکان بھی ظاہر کیا ہے کہ ملبے کے نیچے مزید دھماکہ خیز مواد بھی ہو سکتا ہے اسلیے صحافیوں کو احتیاط کی ضرورت ہے ۔