پی ٹی آئی کارکنان کا زمان پارک میں اپنے قائد کا والہانہ استقبال

     نیوز ٹوڈے: پی ٹی آئ چیئرمین عمران خان کا قافلہ اسلام آباد سے لاہور زمان پارک پہنچ گیا ہے لاکھوں کی تعداد میں لوگ عمران خان کے والہانہ استقبال کیلیے اور عمران خان سے اظہار یکجہتی کیلیے موجود تھے عوام کا یہ سمندر اسلام آباد سے لاہور پہنچا ہے گاڑیوں کی لمبی قطار ایک طرف لگی ہوئی تھی جلسے میں موجود لوگ نعرے لگا رہے تھے آتش بازی کی گئی اور مٹھائیاں تقسیم کی گئیں اسلام آباد ہائی کورٹ سے رہا ہو کر عمران خان ڈی آئی جی سیکیورٹی کی گاڑی میں اسلام آباد سے روانہ ہوۓ تقریبًا سوا دو بجے کے قریب وہ لاہور کی حدود میں داخل ہوۓ  ۔ 

    اور جب ٹھوکر نیاز بیگ پر ان کا قافلہ پہنچا تو وہاں ان کے استقبال کیلیے جو کیمپ لگایا گیا تھا لوگوں نے وہاں پر انہیں خوب جوش وخروش سے خوش آمدید کہا کنال روڈ پر مختلف مقامات پر ان کا استقبال ہوا زمان پارک میں استقبال کیلے گھوڑے منگواۓ گۓ جن سے رقص ہوا ، ڈھول کی تھاپ پر ڈانس کا مظاہرہ ہوا اور  پھولوں کی پتیاں نچھاور کی گئیں عمران خان کے بھانجے بھی ان پارٹی کارکنان میں شامل تھے عمران خان اپنی رہائش گاہ پر چلے گۓ تاہم رات گۓ تک وہاں لوگوں کا بڑا ہجوم  رہائش گاہ کے باہر موجود رہا  ۔