سیالکوٹ : بھارت کی جانب سے ریلہ چھوڑنے پر دریائے چناب میں سیلاب آگیا

29, جولائی , 2022

بریکنگ نیوز ٹوڈے : بھارت کے ریلہ چھوڑنے پر سیالکوٹ کے قریب دریائے چناب میں سیلابی صورتِ حال پیدا ہو چکی ہے ،حکام نے ارد گرد کے رہائشی اور دیگر محکموں کو اس سے آگاہ کر دیا ہے۔

نیوز ٹوڈے : محکمۂ انہار نے اس واقعے کی تصدیق کی ہے کہ بھارت کی جانب سے گزشتہ روز 2 لاکھ 25 ہزار 836 کیوسک کا ایک ریلہ چھوڑا گیا تھا، جس کے باعث دریائے چناب میں نچلے درجے کا سیلاب رونما ہونے کا ممکنہ امکان ہے ، حکام نے بتایا ہے کہ ہیڈ مرالہ پر پانی کی سطح 1 لاکھ 18 ہزار 754 کیوسک ریکارڈ کی گئی جبکہ دوسری جانب پانی کا اخراج صرف 1 لاکھ 3 ہزار 454 کیوسک ہے جس کی وجہ سے سیلابی صورتحال پیدا ہو سکتی ہے۔

نیوز الرٹ ٹوڈے : محکمۂ انہار کی رپورٹس کے مطابق بھارت کی جانب سے آج شام 3 لاکھ کیوسک کا ایک اور ریلہ چھوڑا جائے گا جس سے صورتحال مزید بڑھ سکتی ہے ، بھارت کی جانب سے چھوڑے جانے والے اس نئے ریلے کے پیشِ نظر دریائے چناب اور دیگر علاقوں میں حکام کی جانب سے ہائی الرٹ جاری کر دیا گیا ہے۔