آئی ایم ایف پروگرام میں پیشرفت کے لیے آرمی چیف جنرل قمر جاوید باجوہ کا سعودیہ اور امارات سے رابطہ

05, اگست , 2022

بریکنگ نیوز ٹوڈے : پاک فوج کے سربراہ جنرل قمر جاوید باجوہ نے آئی ایم ایف پروگرام میں مزید پیشرفت کے لیے سعودی عرب اور متحدہ عرب امارات کے حکام سے رابطہ کیا ہے۔

نیوز ٹوڈے : اس رابطے کے دوران آرمی چیف جنرل قمر جاوید باجوہ نے دوست ملکوں سے آئی ایم ایف پروگرام سے متعلق گفتگو کی ہے اور خطے میں امن کے ساتھ ساتھ پاکستان کی معیشت کو در پیش مسائل پر بھی بات کی ۔

ذرائع کا کہنا ہے کہ اس رابطے کے نتیجے میں پاکستان کے لیے آئی ایم ایف کے حوالے سے جلد اچھی خبر متوقع ہے،کیونکہ آئی ایم ایف اور امریکہ کے سعودی عرب اور امارات کے ساتھ تعلقات میں مسلسل بہتری پیدا ہو رہی ہے ۔

نیوز الرٹ ٹوڈے : واضح رہے کہ اس سے قبل آرمی چیف جنرل قمر جاوید باجوہ نے امریکا سے پاکستان کے لیے قرض کی رقم جلد جاری کرنے کے لیے آئی ایم ایف پر دباؤ ڈالنے کی درخواست کی تھی، آرمی چیف جنرل قمر جاوید باجوہ نے امریکی نائب وزیرِ خارجہ وینڈی شرمین سے ٹیلیفون پر گفتگو میں اس پروگرام پر نظر ثانی کی درخواست کی تھی ۔