ملک بھر میں انٹرنیٹ سروسز ایک مرتبہ پھر متاثر،صارفین کو مشکلات کا سامنا،کئی کاروبار بھی تنزلی کا شکار

23, اگست , 2022

بریکنگ نیوز ٹوڈے : پاکستان بھر میں انٹرنیٹ سروس ایک بار پھر متاثر ہونے سے صارفین کو مشکلات کا سامنا کرنا پڑ رہا ہے۔

نیوز ٹوڈے : اسلام آباد، راولپنڈی، لاہور، فیصل آباد سمیت اہم شہروں میں صارفین کو انٹرنیٹ سروس متاثر ہونے پرغیر معمولی مسائل کا سامنا کرنا پڑ رہا ہے ۔

نیوز ٹوڈے کی رپورٹس کے مطابق پی ٹی سی ایل نیٹ ورک میں فنی خرابی سے سروس متاثر ہوئی اور ایک ہفتے میں یہ دوسری بار ملک بھر میں انٹرنیٹ کا بڑا بریک ڈاؤن ہو چکا ہے ۔

نیوز الرٹ ٹوڈے : پی ٹی سی ایل کے ترجمان کے مطابق شمالی اور سینٹرل ریجن میں پی ٹی سی ایل کی سروس متاثر ہے، ٹیمیں سروسز کو ترجیحی بنیادوں پر بحال کرنے میں مصروف ہیں اور جلد ہی اس کو دوبارہ بحال کر دیا جا ئے گا ۔

واضح رہے کہ 19 اگست کو بھی پی ٹی سی ایل کے ٹرانسمیشن سسٹم میں فنی خرابی پیدا ہوئی اور ملک بھر میں کئی دیر کے لیے انٹر نیٹ سروس معطل رہی جس کے بعد کئی کاروبار ی لوگوں اور صارفین کو مشکلات کے ساتھ ساتھ نقصان کا بھی سامنا کرنا پڑا۔