پی ٹی آئی نے اسلام آباد میں لانگ مارچ کے لیے سپریم کورٹ میں درخواست دائر

02, جون , 2022

(پی ٹی آئی) نے اسلام آباد میں احتجاج کے لیے سپریم کورٹ میں درخواست دائر کردی۔ پاکستان تحریک انصاف کے سیکرٹری جنرل اسد عمرنے آئینی درخواست میں وزارت داخلہ، آئی جی اسلام آباد اور ہوم سیکرٹریز کوشامل کیا۔

درخواست میں مؤقف شامل کیا گیا کہ عدالت پی ٹی آئی کو اسلام آباد میں پرامن احتجاج کا حکم دے۔ اس کے علاہ پی ٹی آئی کے احتجاج کے راستے میں کسی بھی شہر میں رکاوٹیں کھڑی نہ کی جائیں۔

مزید درخواست میں کہا گیا کہ پی ٹی آئی کے کسی بھی رہنما اور کارکن کو گرفتار نہ کیا جائے اور نہ ہی ان پر تشدد کیا جائے۔ پی ٹی آئی کے خلاف ہتھکنڈے نہ استعمال کیے جائے اور چھاپے نہ مارے جائیں، عوام کی نقل و حرکت کو کسی طورپرکسی شہر میں نہ روکا جائے۔

درخواست میں اپیل کی گئی ہے کہ عدالت حکم دے کہ احتج شراکین کے خلاف طاقت کا استعمال نہ کیا جائے۔

سابق وزیراعظم عمران خان نے حکومت کی جانب سے الیکشن کا اعلان نہ کرنے کی صورت میں اسلام آباد میں احتجاج کی کال دے رکھی ہے۔