بلوچستان میں ریلیف آپریشن کے دوران ہیلی کاپٹر حادثہ میں شہید افسران کی نماز جنازہ ادا کردی گئی

03, اگست , 2022

نیوز ٹودے الرٹ: بلوچستان میں سیلاب زدگان کے ریلیف آپریشن کے دوران ہیلی کاپٹر حادثہ میں شہید افسران کی نماز جنازہ آج ادا کردی گئی۔

نماز جنازہ کے بعد شہدا کی میتیں ان کے آبائی علاقوں کو روانہ کردی گئی ہیں۔

ہیلی کاپٹر حادثے میں شہید ہونے والے میجر جنرل امجد حنیف کا تعلق راولا کوٹ آزاد کشمیر سے تھا۔ میجر جنرل امجد حنیف نے 1994 میں آزاد کشمیر رجمنٹ میں کمیشن حاصل کیا، شہید کی بیوہ، ایک بیٹا اور دو بیٹیوں ہیں۔

شہید کمانڈر انجینیئر 12 کور بریگیڈیئر محمد خالد کا تعلق فیصل آباد سے تھا، بریگیڈیئر محمد خالد نے 1994 میں 20 انجینئیر بٹالین میں کمیشن حاصل کیا، شہید کی بیوہ، تین بیٹیاں اور تین بیٹے ہیں۔

شہید پائلٹ میجر سعید کا تعلق لاڑکانہ سے ہے، انھوں کی بیوہ، ایک بیٹی اور ایک بیٹے ہے۔

ہیلی کاپٹر حادثے میں شہید ہونے والے معاون پائلٹ میجر محمد طلحہ منان نے بیوہ اور دو بیٹوں کو سوگوار چھوڑا ہے۔

نیوزٹودے: سیلاب زدگان کی امداد کے لیے ہم وطنوں کی خاطر اپنی جان کا نذرانہ پیش کرنے والے پاک فوج کے اہل کاروں کو پوری قوم نے خراجِ عقیدت پیش کیا جاتا ہے۔