ٹوئٹر بن گئی ایلون مسک کی ذاتی کمپنی

27 April,2022

 

سوشل میڈیا ویب سائٹ  ٹوئٹر  کے بورڈ آف ڈائیریکٹرزاور دنیا کے امیر ترین شخص ایلون مسک کے درمیان ۴۴  ارب ڈالر کا معاہدہ طے پا گیا۔ عالمی میڈیا کے مطابق ٹوئٹر کے بورڈ نے ایلون کی ۵۴ فیصد سے زائد شیئرز خریدنے کی پیشکش قبول کر لی ہے۔

 

ایلون مسک اب تک کے ٹوئٹر  کے سب سے بڑے شیئر ہولڈر بن گئے ہیں۔ رپورٹس کے مطابق  پرائیویٹ کمپنی کو خریدنے کا یہ سب سے بڑا سودا ہے ۔ یہ بات گزشتہ دنوں سے عالمی میڈیا پر واضح رہی کہ  ایلون  ٹوئٹر خریدنے  میں دلچسپی لے رہے تھے۔ ایلون کا کہنا تھا کہ ٹوئٹر اپنے سٹینڈرڈز اور پروٹوکولز کے مطابق کام نہیں کر رہا ۔ایلون کے مطابق اس ویب سائٹ کاا صل مقصد  آزادی رائے ہے اور ہر انسان کوحق ہے کہ وہ  اپنی رائے دے سکے۔

 

گزشتہ ماہ میں ٹوئٹر بورڈ کے ممبران اور ایلون مسک کے درمیان  بات چیت جاری تھی کہ جب ایلون نے سب سے زیادہ شیئرز خرید کر ٹوئٹر کو اپنی پرائیویٹ کمپنی بنانے میں دلچسپی کا اظہار کیا۔ الیکٹرک کار ٹیسلا کا مالک اور سپیس ایکس کے بانی اب سماجی رابطے کی ویب سائٹ کے بھی مالک بن چکے ہیں۔ 

 

نیو یارک ٹائمز کے مطابق ایلون نے  فی شیئر ۵۴ ڈالرز کی پیشکش کی جس کی بدولت ٹوئٹر کے شیئرز کی قیمت مارکیٹ میں اچانک زیادہ  ہوئی۔نتیجتاً ایلون مسک ٹوئٹر کے مالک بن  گئے ہیں ،ٹوئٹر اب ان کی ذاتی کمپنی ہے  اور ایلون اب اس کو  حقِ آزادی رائے کے مطابق  چلا سکتے ہیں۔

 

Share This Article