پاکستانی فاسٹ بالر محمد حسنین کا بائیو مکینک ٹیسٹ مکمل،رپورٹس آنے کا انتظار

17, مئی , 2022

پاکستان کرکٹ بورڈ نے قومی فاسٹ بالر محمد حسنین کا بائیومکینک ٹیسٹ مکمل کروا لیا ، پی سی بی ذرائع کا کہنا ہے کہ بورڈ ٹیسٹ کی مکمل رپورٹ آ نے کے بعد آئی سی سی آفیشلز سے رابطہ کرے گا ۔

رپورٹس کے مطابق محمد حسنین کے پہلے بائیو مکینک ٹیسٹ میں اُن کے بازو کا خم ۱۵ ڈگری کی حد کے اندر آیا تھا جس کی بدولت بورڈ کی جناب سے محمد حسنین کا بالنگ ایکشن ری ماڈل کیا گیا۔

پی سی بی حکام کا کہنا ہے کہ پاکستان کرکٹ بورڈ جلد ہی انٹر نیشنل کرکٹ کونسل کے سامنے محمد حسنین کا بالنگ ایکشن ٹیسٹ کروائے گاجس کے بعد کرکٹ میں محمد حسنین کی واپسی کا حتمی طور پر فیصلہ کیا جائے گا ۔