سونے کی قیمت میں چونکا دینے والا اضافہ

دانیال احمد خان
23 May,2022

سونے کی  فی تولہ قیمت میں  دو ہزار تین سو پچاس روپے کے اضافے کے بعد  سونا ملکی تاریخ کی  مہنگی ترین سطح پر پہنچ گیا ہے۔سونے کی فی تولہ قیمت ایک لاکھ اکتالیس ہزار چھ سو پچاس روپے ہو چکی ہے۔اسٹاک ایکسچینج میں مندی اور ڈالر کی بڑھتی ہوئی قیمت سے سونا صرف ایک ہی روز میں دو ہزار  تین سو  روپے مہنگا ہو کر انتہا پر پہنچ گیا ہے۔

 

بروز پیر  بین الاقوامی مارکیٹ میں  سونے کی فی اونس قیمت  میں پندرہ ڈالر کا اضافہ ہوا جس کی بدولت سونے کی فی اونس قیمت  ایک ہزار آٹھ سو باسٹھ ڈالر پر جا پہنچی ہےجو کہ پاکستان کے لیے ایک تشویشناک  بات ہے کیونکہ پاکستان پہلے ہی معیشت کے بحران سے گزر رہا ہے ،یہاں تک کہ روز مرہ کی اشیاء بھی عام آدمی کی سکت سے نکل چکی ہیں۔

 

عالمی  بلین مارکیٹ میں اضافے اور ڈالر کے مقابلے میں رپے کی مسلسل بے قدری نے سونے کی قیمتوں میں ہوش  اُڑا دینے والا اضافہ کیا ہےاور ملکی تاریخ میں سونے کی قیمت میں ریکارڈ اضافہ ہوا ہے ۔ اسی طرح سونے کی 10 گرام  کی قیمت 2 ہزار 15 روپے بڑھ کر ایک لاکھ 21 ہزار 442 روپے ہوگئی۔

 

دوسر ی جانب چاندی کی قیمت میں بھی اضافہ دیکھنے میں آیا ہے جس کی بدولت چاندی فی تولہ  بیس روپے مہنگی ہو کر  ایک ہزار پانچ سو نوے روپے تک جا پہنچی ہے۔معاشی ماہرین کا کہنا ہے کہ  اگر حکومت نے سخت فیصلے لے کر معیشت کو نہ بچایا تو پاکستان کے لیے آئندہ مستقبل میں مسائل مزید بڑھ سکتے ہیں۔

 

Share This Article