سابق وفاقی وزیر تعلیم حافظ بلیغ الرحمٰن نے بطور گورنر پنجاب اپنے عہدے کا حلف اٹھا لیا

دانیال احمد خان
31 May,2022

مسلم لیگ ن کے رہنما بلیغ الرحمٰن نے گورنر پنجاب کے  عہدے کا حلف اٹھا لیا۔ لاہور ہائی کورٹ کے چیف جسٹس محمد امیر بھٹی نےگورنر سے حلف لیا۔ حلف برداری   کی تقریب میں وزیر اعلیٰ پنجاب حمزہ شہباز بھی شریک ہوئے۔ حلف برداری کی تقریب میں پارلیمنٹ کے ارکان، لاہورہائی کورٹ کےججزنے بھی شرکت کی، صوبائی سیکرٹریز، مختلف شعبوں سے تعلق رکھنے والی شخصیات نے بھی تقریب میں شرکت کی۔

 

بلیغ الرحمٰن 21 دسمبر 1970 کو بہاولپور میں پیدا ہوئے۔ پہلی بار 2008 کے عام انتخابات میں ن لیگ کے ٹکٹ پر ایم این اےمنتخب ہوئے۔ میاں بلیغ الرحمن دوسری بار 2013 میں بہاولپور کے حلقہ این اے 185 سے ن لیگ کے ٹکٹ پر 88 ہزار ووٹ لےکررکن قومی اسمبلی  منتخب ہو ئے۔

 

نومبر 2013 میں انہیں نواز شریف  کی کابینہ میں وزیر مملکت برائے داخلہ اور انسداد منشیات کا چارج دیا گیا۔ وہ جولائی 2017 تک اس عہدے پر رہے اور اس پوزیشن کے لیے کئی کارنامے سر انجام دیے۔

 

اگست 2017 میں شاہد خاقان عباسی کے دور میں وفاقی وزیر تعلیم و تربیت کا عہدہ سونپا گیا۔ تحریک انصاف کی حکومت کے خاتمے کے بعد ن لیگ نے بلیغ الرحمٰن کو گورنر پنجاب نامزد کیا  گیاجبکہ 30 مئی 2022 کو صدر مملکت عارف علوی نے اس نامزدگی کی منظوری دے دی۔

 

مزید پڑھیں: عمران خان نے بیان دیا کہ پُر امن احتجاج نہیں کرنے دیا گیا،اگر اسلام آباد بیٹھ جاتا تو خون خرابہ ہوتا

Share This Article