ملزم حنیف عباسی بطور ایس اے پی ایم کام کرنے سے روکنے پر مستعفی ہوگئے

 اسلام آباد:  ایفیڈرین کیس کے ملزم اور مسلم لیگ ن کے سینئر رہنماء عدالت کے احکامات اور دباؤ میں آکر عہدے سے مستعفی آج یہ پیشرفت آئی ایچ سی کے چیف جسٹس اطہر من اللہ کی جانب سے گزشتہ ماہ ایفیڈرین کیس کے ملزم حنیف عباسی کو بطور ایس اے پی ایم کام کرنے سے روکنے کے بعد سامنے آئی ہے۔ یہ ہدایات سابق وزیر داخلہ اور عوامی مسلم لیگ (اے ایم ایل) کے سربراہ شیخ رشید کی جانب سے دائر درخواست کی سماعت کے دوران جاری کی گئیں، جس نے ایفیڈرین کیس میں 2018 کی سزا کی بنیاد پر عباسی کی بطور ایس اے پی ایم تقرری کو چیلنج کیا تھا۔

17 مئی کو سماعت کے دوران، عدالت نے مشاہدہ کیا کہ جو شخص مجرم قرار دیا گیا ہے وہ عوامی عہدہ نہیں رکھ سکتا۔

عباسی کے وکیل احسن بھون نے دلائل دیتے ہوئے کہا کہ ایس اے پی ایم کا دفتر دیگر سرکاری دفاتر کی طرح نہیں ہے۔ تاہم، جسٹس من اللہ نے فیصلہ دیا تھا کہ ایس اے پی ایم کا کام وزیر اعظم کو مشورہ دینا ہے اور وہ بغیر اطلاع کے بھی ایسا کر سکتے ہیں۔ اس سے قبل عدالت نے وزیراعظم شہباز شریف کو مسلم لیگ ن کے رہنما کی تقرری پر نظر ثانی کرنے کی بھی ہدایت کی تھی۔