اٹک پولیس نے سینئر اینکرپرسن عمران ریاض خان کو گرفتار کر لیا

06, جولائی , 2022

بریکنگ نیوز ٹودے :(اسلام آبا د) اٹک پولیس نے سینئر صحافی اور اینکر پرسن عمران ریاض خان کو گرفتار کر لیا ہے، اٹک پولیس ذرائع کے مطابق اینکر عمران ریاض کو اُن کے خلاف درج ایف آئی آر کے کیس میں گرفتار کیا گیا ہے۔

نیوز ٹوڈے : پولیس کے مطابق عمران ریاض خان کے خلاف پنجاب کی حدود اٹک میں ایف آئی آر درج ہے، انہیں گرفتاری کے بعد پولیس اسٹیشن منتقل کردیا گیا، جبکہ سینئر صحافی کو گرفتار کرنے کے لیے پنجاب سے بھی کئی ایس ایچ اوز اور پولیس ملازمین بھیجے گئے ۔

نیوزالرٹ ٹوڈے : وزیر قانون پنجاب ملک احمد خان نے ایک بیان کے ذریعے اٹک سے عمران ریاض کی گرفتاری کی تصدیق کر دی ہے، اپنے بیان میں وزیر قانون پنجاب نے کہا کہ عمران ریاض خان پر پنجاب میں مقدمات درج ہیں، انہیں پنجاب کی ہی حدود سے گرفتار کیا گیا، یہ تاثر غلط ہے کہ گرفتاری اسلام آباد سے عمل میں آئی ہے۔

واضح رہے کہ سابق وزیر اعظم عمران خان کی جانب سے اس اقدام کی شدید مذمت کی گئی اور انہوں نے عدلیہ سے ان صحافیوں کے لیے انصاف کی اپیل بھی کر دی ہے ۔