کینیڈا نے زیلینسکی کی ناراضگی کی پرواہ نہ کرتے ہوۓ روس سے ہاتھ ملا لیا

کینیڈا نے روس کو گیس ٹربائن دینے کا فیصلہ کیا ہے جس سے زیلینسکی بھڑک اٹھے ہیں اور انھوں نے کینیڈا کو یاد دلایا ہے کہ ایسا کرنے سے روس پر لگائ گئ پابندیاں کمزور پڑ جائیں گی لیکن ایسا لگ رہا ہے کہ یورپ کی گیس کی ضرورت زیلینسکی کے غصے پر بھاری پڑنے لگی ہے ۔

کیونکہ پیوٹن نے جیسے ہی ایک ہاتھ سے دے ایک ہاتھ سے لے کی شرط پر کام کرنے کا اعلان کیا ہے تو یورپی ملکوں میں کھلبلی مچ گئ پیوٹن نے واضح کر دیا کہ یورپی ملکوں کو گیس تب ہی ملے گی جب انھیں گیس ٹربائن دی جاۓ گی ۔

پیوٹن نے ایسا داؤ چلا ہے کہ یورپ کو مشینری دینے پر مجبور کر دیا ہے پیوٹن کے اس اعلان کے بعد کینیڈا نے روس کی سب سے بڑی انرجی کمپنی گیزپروم کو گیس ٹربائن دینے کا فیصلہ کیا ہے کینیڈا کے اس فیصلے پر زیلینسکی بوکھلا اٹھے ۔

زیلینسکی نے یورپی ملکوں سے صرف ناراضگی کا اظہار ہی نہیں کیا بلکہ یہاں تک کہہ دیا ہے کہ روس کو گیس ٹربائن دینے کے بعد یوکرین کو یورپ سے رشتوں کے متعلق دوبارہ سوچنا پڑ سکتا ہے کیونکہ اگر ہم کسی فیصلے پر متفق نہیں ہو سکتے تو ہمارا جڑا رہنا بے کار ہے ۔

مطلب یہ کہ زیلینسکی کھل کر اپنی ناراضگی کا اظہار کر رہے ہیں انھوں نے یورپی ملکوں کو یاد دلایا ہے کہ انھوں نےیوکرین جنگ میں یوکرین کا ساتھ دینے کا وعدہ کیا ہے اور یہ بھی کہ وہ ایسا کوئ بھی فیصلہ نہیں کریں گے جس سے روس کو فائدہ ہو ۔

لیکن پیوٹن کی شرائط یورپ کو گھٹنوں پر لے آئیں اور کینیڈا کو مجبور کر دیا پچھلے ہفتے ہی پیوٹن نے یہ اعلان کیا تھا کہ وہ یورپی ملکوں کو گیس کی سپلائ کم کر رہے ہیں جس میں جرمنی جیسا ملک بھی شامل ہے جس کی آبادی بہت زیادہ ہے اور وہ روس کی گیس پر بہت انحصار کرتا ہے ۔

روس نے کہہ دیا ہے کہ روس اس صورت میں ان ملکوں کی گیس کی ضرورت پوری کرے گا جب روس کو گیس ٹربائن دی جاۓ گی وہ ٹربائن جو کینیڈا میں مرمت کیلیے بھیجی گئ تھی لیکن روس پر پابندیاں لگنے سے وہ ٹربائن واپس نہیں بھیجی جا رہی ۔

یوکرین جنگ سے پہلے یورپی ملک روس کی گیس پر ٪40 تک انحصار کرتے تھے لیکن جنگ کے بعد یورپی ملکوں نے 2022 ء کے آخر تک روس کی گیس کی خرید  میں دو تہائ کمی کر کے 2027 ء تک روس سے گیس کی خریداری مکمل طور پر بند کرنے کا فیصلہ کیا تھا لیکن یورپی ملکوں کا یہ منصوبہ کامیاب ہوتا دکھائ نہیں دے رہا ۔

مزید پڑھیں: پیوٹن نے روس پر لگائ گئ پابندیوں کا بدلہ لینا شروع کر دیا ہے