لانگ مارچ جلسے میں عمران خان پر حملے کے خلاف کاٹی گئی ایف آئی آر مسترد کرتے ہیں،فیاض الحسن چوہان

08, نومبر , 2022

بریکنگ نیوز ٹوڈے:پی ٹی آ ئی رہنما فیاض الحسن چوہان کا کہنا ہے کہ ہم عمران خان کے خلاف کاٹی گئی ایف آئی آر کو مسترد کرتے ہیں۔

فیاض الحسن نے راولپنڈی میں میڈیا سے گفتگو کرتے ہوئے بتایا ہے کہ احتجاج میں ایک پتا بھی نہیں ٹوٹا اور نہ ہی کسی کا نقصان ہوا ہے۔

نیوز ٹوڈے:اس کے علاوہ ان کا کہنا تھا کہ ایک شخص نے کھمبے پر چڑھ کر تاروں کو ہاتھ لگایا اگر اسے بھی کوئی تھپڑ لگا دیتا تو وہ کھمبے پر نہ چڑھتا۔

عمران خان پر قاتلانہ حملے کے خلاف ایف آئی آر گزشتہ روز پولیس کی مدعیت میں تھانہ وزیر آباد میں درج کر لی گئی تھی۔

یاد رہے کہ عمران خان پر جمعرات کے روز 3 نومبر کو لانگ مارچ کے جلسے پر قاتلانہ حملہ کیا گیا جس کے نتیجے میں عمران خان سمیت پاکستان تحریکِ انصاف کے 13 رہنما زخمی ہوئے اور ایک کارکن جاں بحق ہوا۔

نیوز الرٹ ٹوڈے:لانگ مارچ کے جلسے میں فائرنگ کرنے والے نوید احمد کو کنٹینر کے قریب سے گرفتار کرلیا گیا تھا۔ اس کے علاوہ اس نے عمران خان پر فائرنگ کا اعتراف بھی کر لیا تھا۔