الاسکا کے قریب اڑتے روس کے جنگی جہاز دیکھ کر امریکہ ہڑبڑا اٹھا

06, جولائی , 2023

نیوز ٹوڈے : روس کے چار فوجی جہاز الاسکا کے بے حد قریب منڈلاتے نظر آنے پر امریکہ ہڑبڑا اٹھا اپنے علاقے کے قریب روس کے دو میزائل کیریئر اور دو لڑاکا طیارے دیکھ کر امریکہ کو خطرے کی بو آنے لگی اور امریکہ نے روس کے ان جہازوں کا پیچھا کرنا شرع کر دیا کیونکہ مارچ میں جب بحیرہ اسود میں امریکہ کا ایک ڈرون روس کی سرحد کے قریب اڑ رہا تھا تو روس نے نہ صرف اس ڈرون کا پیچھا کیا تھا بلکہ اس ڈرون کو ایسی ٹکر ماری تھی کہ وہ بحیرہ اسود میں ہی گر کر تباہ ہو گیا تھا

اس لیے روس کے ٹی یو 95 میزائل کیریئر اور ایس یو 30 اور ایس یو 35 جیسے جنگی طیاروں کو الاسکا کے قریب دیکھتے ہی امریکہ چوکنا ہو گیا روس نے دعوٰی کیا ہے کہ اس کے یہ طیارے روس اور امریکہ کے درمیانے علاقے بیرنگ سمندر پر اڑ رہے تھے اور بین الاقوامی قوانین کے مطابق وہ طیارے پرواز کر رہے تھے اور اس بات کو امریکہ نے بھی تسلیم کیا ہے لیکن یوکرین جنگ کی وجہ سے اب امریکہ اور روس کی دشمنی اس حد تک پہنچ چکی ہے کہ دونوں ملک چوبیس گھنٹےایک دوسرے کی طرف سے انتہائی چوکنا رہتےہیں ۔