یاماہا کمپنی ایک ماہ میں 1,114 موٹر سائیکلز کی فروخت کے ساتھ سوزوکی سے آگے

06, جولائی , 2023

نیوزٹوڈے: پاک سوزوکی نے ایک ماہ میں 820 موٹرسائیکلیں فروخت کیں، جس کے نتیجے میں 29.1٪ کی کمی دیکھی گئی ہے، جب کہ یاماہا نے اپریل میں 1,114 موٹر سائیکلیں فروخت کیں، جس سے فروخت میں 32.5٪ اضافہ ہوا ہے۔ پاکستان آٹوموٹیو مینوفیکچررز ایسوسی ایشن (PAMA) کی ایک حالیہ رپورٹ کے مطابق، مئی 2023 میں فروخت ہونے والی موٹر سائیکلوں کی تعداد میں قدرے اضافہ ہوا ہے۔ اٹلس ہونڈا نے 87,133 سے زائد یونٹس فروخت کیے، جو پچھلے مہینے کے مقابلے میں 18.5 فیصد زیادہ ہے۔اگرچہ رپورٹ میں کمی کی وجہ کو واضح نہیں کیا گیا۔ لیکن درآمدی پابندیاں اور اس کے نتیجے میں پیداوار میں رکاوٹیں ہیں۔

آٹو انڈسٹری کی درآمدات کے جلد دوبارہ شروع ہونے کی افواہوں کے باوجود، امکان ہے کہ جاری اقتصادی اور آپریشنل رکاوٹوں کی وجہ سے فروخت سست رہے گی۔ پاک سوزوکی کی اس سال میں چار مرتبہ پاور پلانٹ بند ہو چکے ہیں۔ باضابطہ نوٹیفکیشن میں کہا گیا ہے کہ موٹرسائیکل کی اسمبلی 12 جون سے 16 جون تک معطل رہے گی۔