کراچی کی سیما اور بھارت کے سچن کا معاملہ بنا دونوں حکومتوں کیلیے انا کا مسئلہ

نیوز ٹوڈے : سال 2020 میں کورونا وائرس کے باعث پوری دنیا میں لاک ڈاؤن کی وجہ سے جب لوگوں کا دھیان وقت گزاری کیلیے آن لائن گیمز کی طرف زیادہ ہو گیا تھا تو اسی سال کراچی سے تعلق رکھنے والی27سالہ سیما کا بھی موبائل پر پب جی گیم کھیلتے ہوۓ بھارت کے سچن سنگھ سے رابطہ ہوا سیما کا شوہر سعودی عرب میں ملازمت کرتا تھا اور وہ ایک بیٹے اور تین بیٹیوں کی ماں ہے سیما نے شوہر کی غیر موجودگی میں سچن سنگھ سے آڈیو ، ویڈیو کالز کا سلسلہ شروع کر دیا ۔

رواں سال کے شروع میں سیما نے خیر پور سے اپنا آبائی گھر بیچ کر ایک ایجنٹ کے ذریعے نیپال جانے کا فیصلہ کیا 11 مئی کو سیما اپنے بچوں سمیت نیپال پہنچ گئی نیپال سے بخارا کھٹمنڈو پہنچی اور 13 مئی کو وہ گریٹر نوئیڈا سچن کے پاس پہنچ گئی ایک ماہ سچن سنگھ کے ساتھ رہنے کے بعد انہوں نے شادی کا فیصلہ کیا اور ایک وکیل سے رجوع کیا اس شادی میں سچن کا باپ بھی شامل تھا وکیل نے پولیس کو اطلاع کر دی پولیس نے سچن اس کے والد اور سیما کو گرفتار کر لیا پاکستان میں مقیم سیما کے شوہر غلام حیدر نے وزیر اعظم پاکستان سے اپیل کی ہے کہ وہ اس کی بیوی اور بچوں کو واپس لانے میں اس کی مدد کرے سیما اور سچن کا معاملہ پاک بھارت حکومت کیلیے انا کا مسئلہ بنا ہوا ہے ۔