پی ٹی آئی کے رہنما پرویز خٹک نے نئی سیاسی جماعت بنانے کا اعلان کر دیا

نیوز ٹوڈے : پی ٹی آئی رہنما پرویز خٹک نے پی ٹی آئی کو خیرباد کہہ دیا اور ایک نئی سیاسی جماعت قائم کر لی پرویز خٹک اور سابق وزیر اعلٰی محمود خان نے ایک ویڈیو پیغام کے ذریعے کہا ہے کہ ہم نے نئی سیاسی جماعت بنانے کا فیصلہ مشترکہ طور پر کیا ہے نئی سیاسی جماعت کا نام پاکستان تحریک انصاف پارلیمنٹیرینز ہو گا جھنڈے کے رنگ کا اور جماعت کے منشور کا اعلان بہت جلد کر دیا جاۓ گا انہوں نے کہا کہ ہمارا فیصلہ پاکستانی عوام کے حق میں ہو گا پرویز خٹک نے مزید کہا کہ قوم کو سوچنا چاہیے۔

کہ پی ٹی آئی نے بار بار الیکشن کا موقع کیوں ضائع کیا یہ بہت بڑا راز ہے اور جس دن یہ راز کھلے گا بہت سے حقائق سے پردہ اٹھ جاۓ گا انہوں نے کہا کہ ہم نے اپنے دور حکومت میں عوام کی خدمت کی ہے ہم نے صحت کارڈ متعارف کرواۓ سوات موٹر وے بنوائی ہم سب اب بھی پاکستان کے ساتھ ہیں اور ملکی ترقی میں اہم کردار ادا کریں گے پرویز خٹک کی نئی پارٹی کے قیام پر پی ٹی آئی کے ترجمان اسد قیصر نے کہا ہے کہ پرویز خٹک کی مرضی ہے وہ جو چاہیں راستہ اپنائیں ملک میں مون سون بارشوں کی طرح سیاسی پارٹیا ں اگ رہی ہیں جو ساون کی پہلی بارش میں ہی بہہ جائیں گی ۔