امریکی ماڈل جی جی حدید نشہ آور اشیاء کی برآمدگی پر گرفتار

19, جولائی , 2023

نیوزٹوڈے: امریکہ کی مشہور ماڈل گیگی حدید جنہیں حال ہی میں منشیات برآمدگی کے الزام میں پکڑ لیا گیا اور گرفتاری کے بعد انہوں نے اپنے جرم کا اعتراف بھی کر لیا ہے۔ رپورٹ کے مطابق یہ حادثہ 10 جولائی کو اس وقت پیش آیا جب وہ اپنے دوست کے ساتھ چھٹیاں گزارنے کے لیے جزائر کیمین پہنچی۔ طیارہ اترنے کے بعد جب ان کے سامان کی تلاشی لی گئی تو ان کے سامان میں گانجہ اور بھنگ برآمد ہوئے جس کے بعد انہیںپکڑ لیا گیا ۔ احکامات کے بعد جی جی اور اس کے دوست کو گرفتار کر لیا گیا۔

جس کے بعد انہیں پوچھ گچھ کے لیے خفیہ مقام پر لے جایا گیا۔ اس نے 12 جولائی کو عدالت میں پیشی کے بعد اپنے جرم کا اعتراف کیا۔ سزا کے طور پر عدالت نے 1000 ڈالر جرمانہ عائد کیا اور اسے ضمانت پر رہا کر دیا گیا۔ ماڈل کے وکیل نے کہا کہ اس نے میڈیکل لائسنس پر یہ سامان خریدا تھا اور یہ اس کے ذاتی استعمال کے لیے تھا اور وہ اس وقت جزیرے پر اپنے دوست کے ساتھ چھٹیوں پر ہے۔ ماڈل نے گرفتاری کے حوالے سے اپنے سوشل میڈیا پیج پر کچھ بھی شیئر نہیں کیا۔