لاہور بینک ڈکیتی کے ملزمان پولیس حراست میں اپنے ساتھیوں کی فائرنگ سے ہلاک

26, جولائی , 2023

نیوز ٹوڈے: ایک ماہ قبل لاہور برکی روڈ کے ایک بینک میں چار ڈاکو زبردستی داخل ہو گۓتھے ڈاکوؤں نے بینک کے عملے کو یرغمال بنا کر ایک کروڑ ساٹھ لاکھ سے زائد کی رقم لوٹ لی ایک شخص اس وقت چالیس لاکھ کی رقم بینک میں جمع کروانے آیا تھا اس سے بھی وہ رقم چھین لی بینک کے دو گارڈز نے جب ڈاکوؤں کو روکنے کی کوشش کی تھی تو انہیں ڈاکوؤں نے تشدد کا نشانہ بھی بنایا تھا پولیس کی تحقیق اور سی سی ٹی وی کی فوٹیج کے ذریعے پولیس نے ڈاکوؤں کو گرفتار کر لیا تھا ۔

گرفتار مجرموں کو نشاندہی کیلیے لے جانے والی پولیس پارٹی پر آج ملزمان کے ساتھیوں نے حملہ کر دیا ملزمان کے ساتھی اپنے دوستوں کو چھڑانا چاہتے تھے لیکن حملہ آوروں کی فائرنگ سے دونوں ملزمان زخمی ہو گۓ ملزمان کو شدید زخمی حالت میں ہسپتال پہنچایا گیا لیکن دونوں ملزمان ہسپتال پہنچتے ہی دم توڑ گۓ اور ان کے حملہ آور ساتھ فرار ہونے میں کامیاب ہو گۓ ۔