کراچی شارع فیصل پر ناکہ لگا دیا جنگل کے بادشاہ نے

نیوز ٹوڈے: کراچی کی شارع فیصل کو شیر نے بلاک کر دیا جنگل کے بادشاہ نے شارع فیصل پر گاڑیوں کی لمبی قطاریں لگوادیں عائشہ باوانی کالج کے قریب اچانک شیر کے نمودار ہونے سے لوگ خوف کے مارے ادھر ادھر چھپنے لگے شارع فیصل سے ٹہلتا ہوا وہ شیر ایک پلازہ کے پارکنگ ایریا میں پہنچ گیا وہاں پر موجود لوگوں نے پولیس کو اطلاع کر دی اور پھر وائلڈ لائف کو شیر کو پکڑنے کیلیے بلایا گیا وائلڈ لائف کے عملے نے شیر کو قابو کر لیا-

پولیس نے شیر کے مالک کا پتہ لگا کر انہیں وہاں بلوایا شیر کے مالک نے بتایا کہ شیر بیمار تھا اور اس کے ملازم شیر کو علاج کیلیے لے جا رہے تھے راستے میں شیر بے قابو ہو گیا ملازمین نے وائلڈ لائف عملے کے ساتھ مل کر شیر کو پکڑ لیا اور وائلڈ لائف نے اس پالتو شیر کو اپنی تحویل میں لے لیا شیر پر قابو پانا اتنا آسان نہیں ہوتا لیکن شیر چونکہ کم عمر تھا اس لیے اس پر قابو پا لیا گیا جنگلی حیات قانون کے مطابق چونکہ رہائشی علاقوں میں شیر اور ایسے خونخوار جانور رکھنے کی ممانعت ہے اسلیے پولیس نے شیر کے مالک کو حراست میں لے لیا اور اس پر بھاری جرمانہ عائد کر دیا ۔